Man Utd transferon yllin Willian?

13:05 | 1 Mars 2018
Arbresh Info

Manchester United raportohet se është duke menduar të shtroj gjatë verës një ofertë për yllin e Chelseas, Willian.

Trajneri Jose Mourinho tashmë është në dijeni rreth talentit të brazilianit për shkak se e ka udhëhequr atë në Stamford Bridge për dy vite, transmeton portali arbresh.info.

Nën udhëheqjen e Antonio Contes gjatë dy sezoneve të kaluara, Willian ka pasur problem për të gjetur kohë të rregullt në fushë, por aktualisht është në formë të fortë dhe ka shënuar katër gola brenda tri ndeshjeve të fundit.

Bazuar në ‘Daily Mail’, United dëshiron të shtoj një tjetër lojtar kreativ në skuadrën e tyre për sezonin e ardhshëm dhe 29-vjeçari është në radarin e klubit.

Willian ka qenë një lojtar i Chelseas që nga viti 2013 kur u transferua nga Anzhi Makhachkala./arbresh.info/